ကိုငါးကြော် ငယ်စဉ်က ကြီးတော်တွေက အမြဲပြောသည် သူတို့ အဖေ
ကျွန်ုပ်၏ အဘိုး ဦးဖိုးထောင်နဲ့ ကျွန်ုပ်မှာ အရွယ်အစား..နေပုံထိုင်ပုံ ပြောပုံ စိတ်ထားတူပါသတဲ့လေ...။
အဘိုးဖြစ်သူကို တွေ့ဖူးဖို့ ဝေးစွ.. အမေတောင် မမီလိုက်။
အမေ ငယ်ငယ်ကပဲ အဘိုးဆုံးပါးသွားလို့ ... အမေတောင် မမြင်ဖူးလိုက်ချေ။
အမေ ဘက်က အဘိုးအဘွားက ရေနံချောင်းနဲ့ နတ်မောက် ကြားက ချိုင်းဆိုတဲ့ ရွာကလေးက။
နှစ်ခါရောက်ဖူးတယ်။ ရွာတောင်ဘက်က ချောင်း၊ မြောက်ဘက်က ကုန်းမြင့် ၊
သစ်ပင်တွေ အုပ်အုပ်ဆိုင်းဆိုင်းနဲ့ သာယာပါပေတယ်။
အစားအသောက်လည်းပေါ နေရေးလည်း သာပါတယ်။
အဘိုး က ငယ်စဉ်ကမိုက်ခဲ့တော့ အသက်ကြီးတဲ့ အခါမှာ စီးပွါး ချို့ငဲ့ပုံရပါတယ်။
ထူးခြားတဲ့အချက်ကတော့ အဘိုးဖြစ်သူက စကားပြောရင်
ကာရံ၊နဘေ ထပ်ပြီး စာချိုးသလို ပြောတတ်တာပါပဲ။
လက်တန်းကိုပြောနိုင်လို့ ပြောစမှတ်တွင်ခဲ့ရတာမနည်းဘူးပေါ့...။
.......
တခါမှာတော့ အဘိုးဖြစ်သူဟာ ရေနံချောင်းမြို့ပေါ် ရောက်လာပါတယ်။
ညီရင်းဖြစ်သူ ဗောဓိကျောင်းက ကျောင်းထိုင်ဆရာတော် ဦးသောဘိတ မွေးနေ့ကိုလာတာပါ။
ဦးသောဘိတက ထိုအချိန်က အင်မတန် တရားဟောကောင်းလို့ နာမည်ကြီးပါသတဲ့..။
ဦးသောဘိတ မွေးနေ့မှာ ရွာကလာကြတာ လှည်းဝိုင်းကြီးကလည်း အတော်များသတဲ့..။
ဆရာတော်က မြို့ပေါ်က တကာတွေနဲ့ ရွာက အမျိုးတွေ ကို မိတ်ဆက်ပေးနေတာ..
ဟောဟိုက နွားရွှေချောချော တစ်ရှဉ်းနဲ့ ကို အစ်ကို ဝမ်းကွဲဗျ..။
ဟိုဘက်က နွားနီကြီးတွေ နဲ့ က ညီ ဝမ်းကွဲဗျ..။
သည်နားက နွားဖြူကြီးတွေ နဲ့ က အစ်မ ဝမ်းကွဲ တော်တယ် စသည်ဖြင့် မိတ်ဆက်သွားတာ..
သူ့အစ်ကို အရင်းကျတော့ ချန်ထားခဲ့သတဲ့...။
ဒါဟာ သက်သက် မျက်နှာမွဲမို့ ချန်တာပဲဆိုပြီး မကျေမနပ်နဲ့
ထပြောလေသတဲ့..
" အဟမ်း ..အဟမ်း... မိတ်ဆက်မပေးတော့လည်း ကိုယ်တိုင် မိတ်ဆက်ရတာပေါ့...
ဟောသည်ဘက်က နွားအိုတစ်ရှဉ်းနဲ့ ကတော့ ဦးသောဘိတ ရဲ့ အစ်ကို အရင်းပါ ခင်ဗျ.." လို့ ထအော်လိုက်တာ..
ဆရာတော် ကျောင်းပေါ်ကို တက်ပြေးတော့တာပဲတဲ့...။ ။
